शिवस्मारकाच्या विलंबावर मनोज जरांगे पाटलांचा सरकारला इशारा

    मराठा आंदोलक मनोज जरांगे पाटील यांनी छत्रपती शिवाजी महाराज स्मारकाच्या कामाला तातडीने सुरुवात करण्याची मागणी केली आहे. त्यांनी उपमुख्यमंत्री देवेंद्र फडणवीस यांना उद्देशून म्हटले की, “मी तुम्हाला साहेब म्हणतो, पण छत्रपतींच्या स्मारकाचे काम सुरू करा!”

 स्मारकाचे उद्घाटन झाले, पण प्रत्यक्ष काम सुरूच नाही

पंतप्रधान नरेंद्र मोदी आणि उपमुख्यमंत्री देवेंद्र फडणवीस यांनी मुंबईतील अरबी समुद्रात शिवस्मारकाचे उद्घाटन केले, पण आजही पाया रचला नाही. मतांसाठी मराठ्यांची साथ हवी, पण स्मारक लांबणीवर – असा आरोप त्यांनी केला.

 शिवाजी पार्कचे नाव बदलण्याची मागणी

जरांगे पाटलांनी शिवाजी पार्कचे नाव ‘छत्रपती शिवाजी महाराज पार्क’ करण्याचीही मागणी केली.

 सरकारमधील टोळ्या थांबवा!

त्यांनी सरकारमधील काही नेत्यांवर समाजविरोधी टोळ्यांना पाठबळ देत असल्याचा आरोप केला. “सध्या आंदोलनात आहोत, पण नंतर योग्य उत्तर देऊ!” असा इशारा दिला.

 22 फेब्रुवारी ते 22 मार्च मराठा समाजाच्या समस्यांवर मोहीम

राज्यातील प्रत्येक गावातील नागरिकांनी ‘अंतर्वली’ किंवा ‘छत्रपती भवन’ येथे येऊन अडचणी सांगाव्यात, असे आवाहन त्यांनी केले.
सरकारला इशारा – “जनता आता सावध झाली आहे!”
“मतदान होईपर्यंत मोठमोठ्या घोषणा, नंतर जनतेला फसवणूक!” – असे सांगत त्यांनी सरकारला इशारा दिला. महाराष्ट्र आता शिवस्मारकाच्या प्रत्यक्ष कामाकडे लक्ष ठेवून आहे!