निवडणूक निरीक्षक उमेश कुमार यांनी घेतला हडपसर विधानसभा मतदारसंघाच्या कामकाजाचा आढावा
पुणे : भारत निवडणूक आयोगाकडून हडपसर विधानसभा मतदारसंघासाठी नियुक्त निवडणूक खर्च पर्यवेक्षक उमेश कुमार यांनी पुणे महानगपालिकेच्या विठ्ठल तुपे नाट्यगृह, येथील निवडणूक कार्यालयास भेट देऊन कामकाजाचा आढावा घेतला.
यावेळी निवडणूक निर्णय अधिकारी डॉ.स्वप्नील मोरे, जिल्हा समन्वय अधिकारी महेश सुधळकर, सहायक निवडणूक निर्णय अधिकारी नागनाथ भोसले, श्रीमती शैलजा पाटील, अमोल पवार, तसेच सर्व विभागाचे नोडल अधिकारी व निवडणूक कर्मचारी उपस्थित होते.
यावेळी श्री. कुमार यांनी हडपसर विधानसभा मतदारसंघाच्या निवडणूक कार्यालयातील समन्वय अधिकाऱ्यांसमवेत बैठकीत कामकाजाचा आढावा घेऊन निवडणूक निर्णय अधिकारी कार्यालयातील सर्व कक्षांची पाहणी केली. श्री. कुमार यांनी निवडणूक कार्यलयातील सर्व कक्षातील अधिकारी, कर्मचाऱ्यांना निवडणूक कामकाजाबाबत मार्गदर्शन करुन महत्वाच्या सूचना दिल्या.
