सीजेपीच्या कथित डान्स व्हिडिओवरून नवा वाद पेटला; सोशल मीडियावर युजर्सकडून संतप्त प्रतिक्रिया

नवी दिल्ली: देशभर गाजलेल्या ‘नीट‘ (NEET) परीक्षा पेपरफुटी प्रकरणानंतर आणि केंद्रीय शिक्षणमंत्र्यांच्या राजीनाम्याच्या मागणीसाठी चर्चेत आलेल्या ‘कॉकरोच जनता पार्टी‘ (CJP) संदर्भातील एक व्हिडिओ सध्या सोशल मीडियावर आगीसारखा पसरला असून यावरून नव्या राजकीय वादाला तोंड फुटले आहे. दिल्लीतील भाजपचे प्रख्यात नेते तजिंदर पाल सिंह बग्गा यांनी आपल्या अधिकृत सोशल मीडिया खात्यावर एक व्हिडिओ शेअर केला आहे, ज्यामध्ये आंदोलनानंतर सीजेपीचे संस्थापक अभिजित दीपके आणि पक्षाचे इतर सदस्य एकत्र येत गाण्यांच्या तालावर नृत्य करताना आणि जल्लोष साजरा करताना दिसत असल्याचा दावा करण्यात आला आहे. या व्हायरल झालेल्या व्हिडिओमुळे देशभरात खळबळ उडाली असून, आंदोलनादरम्यान विद्यार्थ्यांच्या झालेल्या मृत्यूंचा आणि भावनांचा वापर केवळ राजकीय प्रसिद्धीसाठी व स्टंटबाजीसाठी केला गेला का, असा संतप्त सवाल विरोधकांकडून उपस्थित केला जात आहे.

नीट पेपरफुटी प्रकरणाच्या निषेधार्थ आणि केंद्रीय शिक्षणमंत्री धर्मेंद्र प्रधान यांच्या राजीनाम्याची मागणी करण्यासाठी सीजेपीच्या वतीने दिल्लीतील जंतर-मंतर मैदानावर विद्यार्थी आणि कार्यकर्त्यांसह मोठे दीर्घकालीन आंदोलन पुण्यात आले होते. या आंदोलनादरम्यान देशभरातील विद्यार्थ्यांच्या आत्महत्यांचा अत्यंत संवेदनशील मुद्दा जोरकसपणे मांडण्यात आला होता, ज्यानंतर निर्माण झालेल्या प्रचंड दबावामुळे अखेर मंत्र्यांना आपला राजीनामा द्यावा लागला आणि त्यानंतर हे आंदोलन मागे घेण्यात आले होते. मात्र, आंदोलन यशस्वी झाल्यानंतर सीजेपीच्या पदाधिकाऱ्यांनी आणि सदस्यांनी पक्षांतर्गत पार्टी करत गाण्यांवर ठेका धरल्याचा दावा करणारा व्हिडिओ तजिंदर बग्गा यांनी ट्विटरवर शेअर केल्याने संपूर्ण राजकीय वर्तुळात एकच वादंग निर्माण झाला आहे. हा व्हिडिओ शेअर करताना बग्गा यांनी अत्यंत बोचऱ्या शब्दांत टीका केली असून, आपल्याला असे वाटले होते की हे लोक विद्यार्थ्यांच्या मृत्यूवर शोक व्यक्त करत आहेत, परंतु प्रत्यक्षात मात्र त्या दुर्दैवी मृत्यूंचा वापर केवळ राजकीय पोळी भाजण्यासाठी आणि प्रसिद्धी मिळवण्यासाठीच केला गेला आणि आता ते पक्षांतर्गत विजयोत्सव साजरा करत आहेत, असा गंभीर आरोप त्यांनी केला आहे. दरम्यान, व्हायरल झालेल्या या व्हिडिओची कोणतीही अधिकृत पुष्टी झालेली नसून हा व्हिडिओ नेमका कधी, कुठे आणि कोणत्या संदर्भात शूट करण्यात आला आहे हे अद्याप स्पष्ट झालेले नाही, तसेच या संपूर्ण प्रकरणावर कॉकरोच जनता पार्टीकडून किंवा त्यांच्या नेत्यांकडून कोणतीही अधिकृत प्रतिक्रिया समोर आलेली नाही, परंतु या व्हिडिओमुळे सोशल मीडियावर संमिश्र प्रतिक्रिया उमटत असून या नव्या वादाने राजकीय वर्तुळाचे लक्ष वेधून घेतले आहे.