वाल्मीक कराड यांच्या अडचणी वाढल्या – पाच गोपनीय साक्षीदारांचे जबाब, ठोस पुरावे हाती

बीड जिल्ह्यातील मस्साजोग गावचे सरपंच संतोष देशमुख यांच्या हत्येला दोन महिने झाले असून, या प्रकरणातील मुख्य आरोपी कृष्णा आंधळे अद्याप फरार आहे. दरम्यान, या हत्येप्रकरणी पोलिसांनी आरोपपत्र दाखल केले असून, त्यात अनेक धक्कादायक खुलासे करण्यात आले आहेत.

 वाल्मीक कराड यांच्याविरोधात महत्त्वाचे पुरावे 

आरोपपत्रानुसार, वाल्मीक कराड यांच्याविरोधात ठोस पुरावे पोलिसांनी गोळा केले आहेत. यामध्ये पाच गोपनीय साक्षीदारांनी जबाब दिले असून, या साक्षांमुळे कराड यांची अडचण वाढली आहे.

 हत्येच्या कटात मुख्य सूत्रधार कोण?

या आरोपपत्रानुसार, बालमित्र संतोष देशमुख हत्येच्या कटात मुख्य सूत्रधार होता, तर वाल्मीक कराड यांचा या प्रकरणात महत्त्वाचा सहभाग असल्याचे नमूद करण्यात आले आहे.

 कराड यांचा संदेश ‘देशमुख आडवा आला तर धडा शिकवा’

पोलिसांच्या तपासात एक धक्कादायक गोष्ट समोर आली आहे. 29 नोव्हेंबर रोजी सुदर्शन घुले याच्या फोनवरून वाल्मीक कराड यांनी खंडणी मागितली होती, असे आरोपपत्रात म्हटले आहे. तसेच 6 डिसेंबरला घुले यांची देशमुख यांच्या सोबत भेट झाली होती.

 व्हिडिओ पुरावे CID कडे

      या प्रकरणाच्या चौकशीत पोलिसांना संतोष देशमुख यांना मारहाण करतानाचा व्हिडिओ मिळाला आहे. हा व्हिडिओ CID कडे सुपूर्द करण्यात आला आहे. तसेच, सुदर्शन घुले याने एका कंपनीत जाऊन खंडणी मागितल्याचेही आरोपपत्रात नमूद करण्यात आले आहे.

       आरोपपत्रात खंडणी, ॲट्रॉसिटी आणि हत्या या तिन्ही गुन्ह्यांचा उल्लेख करण्यात आला आहे. पोलिसांनी संपूर्ण पुरावे गोळा करून कराड यांच्या विरोधात सबळ केस तयार केली आहे. या नवीन पुराव्यांमुळे वाल्मीक कराड यांच्या अडचणी आणखी वाढल्या असून, पुढील काळात या प्रकरणात आणखी मोठे खुलासे होण्याची शक्यता आहे.