वरिष्ठ गट राष्ट्रीय व्हॉलीबॉल अजिंक्यपद क्रीडा स्पर्धेसाठी खुली राज्य निवड चाचणी

     व्हॉलीबॉल फेडरेशन ऑफ इंडियाच्या तदर्थ समितीद्वारा जयपूर राजस्थान येथे होणाऱ्या वरिष्ठ गटाच्या राष्ट्रीय अजिंक्यपद स्पर्धेसाठी राज्य संघाची निवड करण्यासाठी खुल्या राज्य व्हॉलीबॉल निवड चाचणीचे आयोजन गुरुवार 26 डिसेंबर रोजी सकाळी 8 वाजता चंद्रशेखर आगाशे शारीरिक शिक्षण महाविद्यालय, गुलटेकडी येथे करण्यात येणार आहे.

       जयपूर राजस्थान या ठिकाणी 7 ते 13 जानेवारी 2025 या कालावधीत सन 2025 मधील वरिष्ठ गटाच्या राष्ट्रीय अजिंक्यपद स्पर्धेचे आयोजन करण्यात येणार आहे. तरी राज्य संघाच्या निवडीसाठी खुल्या राज्य व्हॉलीबॉल निवड चाचणीला शाळा, महाविद्यालय, क्लब यातील इच्छुक स्पर्धकांना जास्तीत जास्त संख्येने सहभागी होण्याचे आवाहन जिल्हा क्रीडा अधिकारी महादेव कसगावडे यांनी प्रसिद्धीपत्रकान्वये केले आहे.