अभिनेत्री भाग्यश्री गंभीर जखमी; कपाळाला १३ टाके
मुंबई : प्रसिद्ध अभिनेत्री भाग्यश्री या एका अपघातात गंभीर जखमी झाल्या आहेत. खेळताना हा अपघात घडला असून त्यांच्या कपाळाला मोठी इजा झाली आहे. त्यांना तातडीने रुग्णालयात दाखल करण्यात आले, जिथे त्यांच्यावर शस्त्रक्रिया करून १३ टाके घालण्यात आले आहेत.
सध्या त्यांच्यावर रुग्णालयात उपचार सुरू असून त्यांची प्रकृती स्थिर असल्याचे डॉक्टरांनी सांगितले आहे. या घटनेचे काही फोटो सोशल मीडियावर व्हायरल झाले आहेत, ज्यामुळे त्यांच्या चाहत्यांमध्ये चिंता पसरली आहे. अनेक चाहत्यांनी त्यांच्या लवकर बरं होण्यासाठी शुभेच्छा आणि प्रार्थना व्यक्त केली आहे.
