अमित ठाकरे राज्यपाल नियुक्त आमदार होणार? फडणवीस-राज ठाकरे भेटीनंतर रंगली चर्चा
राजकारणात मोठी चर्चा सुरू झाली आहे. महाराष्ट्र नवनिर्माण सेनेचे (मनसे) प्रमुख राज ठाकरे आणि उपमुख्यमंत्री देवेंद्र फडणवीस यांची नुकतीच शिवतीर्थावर भेट झाली. ही भेट तब्बल २० मिनिटे चालली.या भेटीनंतर चर्चा सुरू झाली आहे की, राज ठाकरेंचे पुत्र अमित ठाकरे यांना भाजप राज्यपाल कोट्यातून विधान परिषद आमदार करू शकते. सध्या राज्यपाल नियुक्त आमदारांच्या १२ जागांपैकी ५ जागा रिक्त आहेत.
भाजप-मनसे युतीची शक्यता?
आगामी स्थानिक स्वराज्य संस्थांच्या निवडणुकीच्या पार्श्वभूमीवर भाजप आणि मनसेमध्ये युती होऊ शकते, अशी शक्यता वर्तवली जात आहे. भाजप मनसेसाठी काही जागा सोडू शकते, अशी चर्चा राजकीय वर्तुळात आहे.
अमित ठाकरे यांचा राजकीय प्रवास
२०१९ मध्ये अमित ठाकरे यांनी माहीम विधानसभा मतदारसंघातून निवडणूक लढवली होती. मात्र त्यांना पराभव पत्करावा लागला. आता त्यांना विधान परिषदेवर आमदार करण्याचा विचार भाजप-मनसे करत असल्याचे बोलले जात आहे.
आता पाहावे लागेल की भाजप आणि मनसे यांची युती होते का आणि अमित ठाकरे खरोखर विधान परिषद आमदार होतात का !
