आंधळी गटाच्या वतीने ना. जयकुमार गोरे यांचा भव्य सत्कार सोहळा

    आंधळी(ता. माण ) या ठिकाणी महाराष्ट्र राज्याचे ग्रामविकास व पंचायत राज मंत्री ना. जयकुमार गोरे यांचा आंधळी जिल्हा परिषद गटाच्या वतीने शनिवार दि.२९ मार्च रोजी सायंकाळी ६ वाजता भव्य सत्कार सोहळा व आंधळी ग्रामपंचायतीचा भव्य लकी ड्रॉ उद्घाटन सोहळा संपन्न होणार आहे. ना. जयकुमार गोरे यांच्यावर आंधळी जिल्हा परिषद गटातील जनतेने गेल्या सतरा वर्षांपासून भरभरून प्रेम केले आहे. माजी. आ. स्वर्गीय सदाशिवराव पोळ यांची एक हाती सत्ता असताना नवख्या जयकुमार गोरे यांना या गटातील जनतेने बहुसंख्य मताने जिल्हा परिषदेला निवडून दिले. २००९ च्या विधानसभेला त्यांना या गटातील जनतेने मोठे मताधिक्य दिल्यामुळे आमदारकी मिळविता आली. चारही विधानसभेला या गटातून त्यांना मोठे मताधिक्य मिळाले होते. त्यामुळे या गटातील जनतेचे त्यांच्यावर आंधळे प्रेम आहे.