दिवेघाटातील रस्ता रुंदीकरणासाठी उद्या दुपारी दोन तास वाहतूक पूर्णपणे बंद; पर्यायी मार्गाचा वापर करण्याचे आवाहन
पुणे:
पुणे-सासवड मार्गावरील दिवेघाट परिसरात रस्ता रुंदीकरणाचे काम वेगाने सुरू आहे. या कामांतर्गत येत्या बुधवारी (२३ सप्टेंबर २०२६) दिवेघाटात ब्लास्टिंग (स्फोट) करण्यात येणार आहे. सुरक्षेचा उपाय म्हणून हडपसर ते दिवेघाट दरम्यानची वाहतूक दुपारी १२:०० ते दुपारी २:०० या दोन तासांच्या कालावधीत सर्व वाहनांसाठी पूर्णतः बंद ठेवण्यात येणार आहे.
आळंदी ते पंढरपूर पालखी महामार्गाच्या विस्तारीकरणांतर्गत हे काम भारतीय राष्ट्रीय महामार्ग प्राधिकरणाकडून (NHAI) हाती घेण्यात आले आहे. ब्लास्टिंगच्या वेळी संभाव्य अपघात टाळण्यासाठी वाहतुकीत हा बदल करण्यात आला आहे.
नागरिकांनी पर्यायी मार्गांचा वापर करावा
दुपारी १२ ते २ या वेळेत सासवड, जेजुरी किंवा बारामतीच्या दिशेने जाणाऱ्या तसेच पुण्याच्या दिशेने येणाऱ्या वाहनचालकांनी या मार्गाचा वापर टाळावा. प्रवाशांची गैरसोय होऊ नये म्हणून इतर पर्यायी मार्गांचा अवलंब करावा, असे आवाहन पुणे शहर वाहतूक शाखेचे पोलीस उपायुक्त आणि राष्ट्रीय महामार्ग प्राधिकरणाने केले आहे. नागरिकांनी आणि वाहनधारकांनी या काळात प्रशासनाला सहकार्य करावे, अशी विनंतीही करण्यात आलीआहे.
